周柏豪最欣賞姚焯菲 詹天文獲最高分感壓力
周柏豪在真人騷《聲夢傳奇》擔任導師，自言都是邊教邊學，視為自己的補習班。他說：「有啲嘢以前學唱歌時學過，但有時做做吓忘記咗。」問到他有甚麼心得可傳授？他說：「例如點企會好睇啲、心理質數、咬字等等。（心理質數係強項？）都唔係，唔可以話自己最強項。但可以分享一吓，喺呢行可以清楚自己多啲。」
談到最欣賞哪個學員？周柏豪表示是最年輕的姚焯菲，「我屋企啲小朋友都係10幾歲，仲係BB咁，但佢好犀利。如果佢10年後仲喺度，我覺得佢有潛質有更大嘅進步。」男學員方面，柏豪笑指：「有啲仲有信心過我，唱歌運用技巧方面仲純熟過我。」
姚焯菲感激周柏豪的欣賞，指對方是一個很好的導師。提到上一集表現失準分數最低而爆喊，她自認眼淺，兒時會因遺失工作紙而爆喊，現在已經有改善。她說：「返到屋企睇番，都覺得真係唱得好差。（9分畀多咗？）我都覺得係。」詹天文就獲得最高分24分，她坦言感到壓力，因往後低過24分就是退步。
來源 source: http://hd.stheadline.com
|
鍾意就快D Share啦！
|
|
|