2021年4月13日星期二

【為TVB好勇猛】曾拍劇跣腳跌斷鎖骨陳敏之唔怕死吊「威吔」拍煞科戲叫好玩 #TVB #陳敏之

【為TVB好勇猛】曾拍劇跣腳跌斷鎖骨陳敏之唔怕死吊「威吔」拍煞科戲叫好玩

陳敏之唔怕再受傷，反而話好享受拍劇吊「威吔」戲。

陳敏之今日為新劇《黯夜守護者》拍吊「威吔」煞科外景，她透露劇情交代意外失足跌落樓，至於死唔死？就要賣個關子。原來她自從拍完《點金勝手》後，有8年沒拍吊「威吔」戲，她說：「雖然『威吔』箍住好辛苦，但回味以前嘅感覺，工作人員好小心、好體貼，檢查多次先拍攝。拍得好順利。因為喺天台好曬，大家好合作盡快拍完，以免中暑。」敏之本身沒有畏高，以前她拍過動作戲，最驚險一次是拍攝《怒火街頭》，因跣腳跌倒斷鎖骨，結果休息了半年時間。

今次與陳展鵬、陳煒、江嘉敏及謝東閔合作得好開心，由於大家都鍾意吃，經常研究美食，劇中她飾演火鍋店老闆娘，所以經常買肉丸、海鮮及肥牛等在廠房邊拍邊吃，大家好羨慕她吃極唔肥的身形。她公開食極唔肥秘訣，湊仔係最大運動。待劇集煞青後她會專心湊仔，並打算帶兒子去主題公園玩。