組合ERROR成員保錡、郭嘉駿（193）、肥仔及華Dee齊集，亮相ViuTV節目《最後一屆口罩小姐選舉》總決賽，其中保錡自宣布停工後，第1次以組合身份出席公開活動，他會見傳媒時全程扮蠟像不發一言，並由隊友抬他出場，193更笑指他現時是「冰封」狀態，上台後便會「溶雪」。問到保錡是否最後一次與組合合體，肥仔透露節目《ERROR自肥企劃》將於5月至6月播出，故整隊組合會繼續與大家見面。問到會否怕保錡連累惹負評，隊友則幫口：「遲啲都有節目出街，做好自己就得。反而應該不停播，播到啲人鬧到攰，可能到保錡唔再出嚟嗰陣，啲人可能會掛住佢呢。」
提到節目與TVB《開心大綜藝》對撼，肥仔表示兩台觀眾層面不一難以比較，193坦言打唔贏對方，華Dee則自嘲：「冇理由用財經新聞台對教育電視。」而講到曾志偉指ViuTV題材偏門只可與J2比較，193就寸爆反擊：「J2咩嚟㗎？後生仔傾吓偈嗰啲？40幾歲仲後生仔？」肥仔就補充指觀眾各有喜好，希望電視行業做到百花齊放。
來源 source: http://hk.on.cc
|
鍾意就快D Share啦！
|
|
|