陳凱琳今年將首度與2個囝囝過母親節。
藝人陳凱琳到電視城為節目《日日媽媽聲》錄影，講到母親節將至，她表示是首個與2子度過的母親節：「當然就由老公（鄭嘉穎）安排啦，叫佢簡單搞就得啦，會食餐飯，同我媽咪仲有奶奶，加埋我自己『3個媽咪』一齊慶祝，嚟個世紀大合照。」問到大仔識整手作送給她？她表示未，但分享一件窩心事：「前幾日細仔9個月大，搵人送咗個蛋糕去我屋企，大仔之前未識同人分享，但佢知個蛋糕係畀細佬，所以第1啖係餵細佬食，之後就自己食番，但我已經覺得好Warm，即刻拍低個畫面。」
問到大仔識錫細佬未？她謂：「未識，但OK啦。（識照顧細佬？）我餵奶時會叫佢幫手攞奶同紙巾畀細佬。」但問到大仔可有呷醋？ 她說：「都有少少，好難拿捏，始終多咗個人，有時抱細仔佢都有啲唔鍾意，所以要同佢溝通，話媽咪2個都抱、2個都錫，如果做得唔好，條路就好難行。」
來源 source: http://hk.on.cc
|
鍾意就快D Share啦！
|
|
|
