一代性感女神邱淑貞有3個女，大女沈月被網民喻為最索星二代，皆因佢盡得媽咪最好嘅DNA，無論樣貌、身材、氣質都同媽咪倒模咁倒出嚟！近日更有網民喺討論區話 ...
一代性感女神邱淑貞有3個女，大女沈月被網民喻為最索星二代，皆因佢盡得媽咪最好嘅DNA，無論樣貌、身材、氣質都同媽咪倒模咁倒出嚟！近日更有網民喺討論區話，希望沈月可以承繼媽咪「衣鉢」，加入娛樂圈做星，話一定走紅。
其實沈月本身都好有表演欲，喺社交網唔難發現，佢鍾意晒靚相之餘，仲好鍾意玩Cosplay（角色扮演），扮過《男兒當入樽》嘅赤木晴子、萬聖節扮過九尾狐、又扮電影《花樣年華》張曼玉着旗袍......真係扮乜似乜，入型入格。不過佢最似係媽咪邱淑貞，唔使扮都一樣樣，天生麗質嘅嘢，真係冇嘢好講！
