藝人林德信（Alex）出席赤柱廣場舉行的「Boundless Tempo」戶外瑜伽活動，透露疫情下很多室內瑜伽教室地方關閉，但這類運動卻愈多人玩愈開心，故對是次能與50名學員齊上瑜伽課感高興，他說：「以前試過一次教100人，但依家疫情冇辦法，喺屋企自己做好悶。」
談到日前以笑來送別外公，Alex指公公94歲，雖然生前被病困擾幾年，但態度卻很正面：「我之前Keep住每個星期日返去同佢食飯，佢嘅Close朋友都嚟陪佢，而我呢2年喺社交網（上載）同公公合照，網友都留言問候公公，公公聽到都好開心，即使公公走咗，我都收到好多問候嘅Message，畀好多正能量我，所以我都樂觀面對，覺得死亡都唔一定係好唔開心，我就喺公公喪禮營造呢個感覺。」
由於疫情關係，母親及妹妹也未有返港，父親林子祥又要照顧自己媽媽，所以未有出席喪禮，故他才把照片Po到社交網，一次過給親朋交代。
來源 source: http://hk.on.cc
|
鍾意就快D Share啦！
|
|
|
