舞台劇《囍雙飛》首映演員超興奮 白只為吵架戲食血壓藥
舞台劇《囍雙飛》日前在香港藝術中心壽臣劇院正式上演，是自疫情關閉後場地重開的首個大型演出，演員白只、朱栢康、阿卵（楊偉倫）等人表現興奮，開場前齊集台前感激觀眾買票支持。
戲中白只與太太對罵一場成為焦點，白只愈演愈投入，令觀眾屏息靜氣欣賞他的發揮。白只笑言該場口令他血壓急升，演出時不敢太激動：「都有Check住血壓，要準時食藥囉，我都唔係按醫生指示食，為咗一場好戲冇辦法家人就一定嚟支持我哋，由細睇到我哋大嘛，但係女友就要問佢咩時間囉，因為每次出街都要問吓佢有冇時間，唔可以假設約佢就可以即刻到嘛。」當被問到是否靠戲中學習夫妻之道時，白只不懂應對靠兄弟拉開話題解困。
朱栢康就話場地雖有入場人數限制，但感覺與滿座分別不大，笑言享受「關閉處所」的時光：「因為可以畀我哋靜落嚟，慢慢感受吓劇本、點做戲，呢個係得著嚟嘅！戲中我同郭翠怡會錫錫同摸胸，但我哋太熟啦，所以一啲尷尬都冇，加上冇人管我，唔會俾人扭耳仔嘅。」
同場的阿卵就話好耐沒見觀眾，笑指觀眾「餓」了一段時間，令現場反應更熱烈，於謝幕時最為感動：「疫情係唔會打得低我，因為本身工作都唔多，好多上年嘅計劃都延到今年，今年嘅項目又再延期，收入係少咗啲啲，但又未去到停晒，依家劇場重開，我都算係幸運嘅一個。」
來源 source: http://hd.stheadline.com
|
鍾意就快D Share啦！
|
|
|