被失控愛犬扯落樓梯整親入院 林欣彤震傷牙鉸韌帶唱唔到歌
林欣彤（Mag）昨晚在IG Story上載一張坐輪椅照，相中的她手腳均貼上紗布，但就未有交代事故因由。直至今午，Mag再於社交網貼出多張受傷照，當中看到膝蓋有大片瘀傷外，其手掌及下巴也擦損，她撰寫千字文向大家報平安。
事緣Mag放狗的時候，愛犬「飛飛」忽然失控狂跑，令她意外仆落兩、三級樓梯。由於衝力好大，Mag說：「我暈咗扒咗喺地下幾分鐘完全郁唔到，聲都出唔到⋯當刻明白到打拳被人knock out嘅感覺，我被個地下knock out咗，結果震親個牙鉸傷咗韌帶，同埋有啲皮外傷，仲有膝頭哥腫腫瘀瘀咁，骨應該就冇事！好彩！」並謂暫時唱唔到歌、咬唔到嘢、又唔係好行到路，樂觀的她表示就當作上天為自己安排的假期，Mag坦言：「我都預咗有一日放狗會跌親，因為成日都危危乎，但冇諗過可以跌成咁，好番之後我要操得大隻啲！強壯啲！睇住嚟」
提到消息傳出後獲許多人關心，Mag感激各界的問候，以及稱隨時ready出嚟幫忙和隔空幫忙的每一位，令她覺得好感動、好溫暖，她續道：「我真係好幸福，係痛嘅，係煩嘅。但係往往哩（呢）啲moment就係愛湧出嚟嘅時候了⋯⋯多謝各位嘅愛，love you all!!!」又表示最多謝夜晚陪伴去醫院的細佬和爹哋，以及煮粥給她的媽咪。最後，Mag又搞笑Hasgtag「我隻狗完全唔知發生咩事所以毫無悔意」、「好傷心仲好傷身」、「養狗不容易」、「我決定嬲佢幾日」，一眾圈中好友許廷鏗、胡鴻鈞、鄭欣宜等，紛紛留言祝她早日康復。
來源 source: http://hd.stheadline.com
|
鍾意就快D Share啦！
|
|
|
