生仔後不再發明星夢 林芊妤分享囝囝戒人奶秘訣
林芊妤（Coffee）最近為網上節目《靚媽圍爐》做嘉賓，大談育兒經，分享胎盤前置生仔經驗、如何幫兒子翟德彥（伯伯）戒人奶等。Coffee坦言在生完囝囝後，曾一度懷疑人生，幸好快便已重建自信，並在湊仔及事業上作出適當調整。談到早前推掉一部電影演出，她說：「好多人問我，係咪為個仔放棄事業，我都問過自己，曾經拍電影、喺娛樂圈工作，係我日日發夢嘅夢想，但係生咗個仔之後，我夢想變咗我問清楚自己，其實我係好鍾意做瑜珈老師，好想做自己品牌，剩低嘅時間就要來湊仔、陪個仔成長。」
談到曾去旅行幫囝囝戒人奶，Coffee以為將伯伯交給父母湊，離開幾日不飲人奶就戒到，殊不知囝囝仔一見番媽咪，戒唔到人奶不特止，仲少了一份安全感，狂喊覺得媽咪背叛他，所以她認為：「戒人奶係必需媽咪一直陪同，等囝囝有安全感先可以成功戒甩。」
來源 source: http://hd.stheadline.com
|
鍾意就快D Share啦！
|
|
|