2021年5月10日星期一

【開心大綜藝】性感「辣媽」跳熱舞張嘉兒凌空一字馬Hot爆全場 #張嘉兒 #開心大綜藝

【開心大綜藝】性感「辣媽」跳熱舞張嘉兒凌空一字馬Hot爆全場

張嘉兒與孟瑤、陳爽及張美妮喺《開心大綜藝》齊跳勁舞，嘉兒更做出凌空做出一字馬動作。

張嘉兒與孟瑤、陳爽及張美妮四4位「辣媽」喺昨晚《開心大綜藝》「我要上台慶」中表熱舞，4人換上黑色短褲露「線」戰衣，大晒身材及美腿。雖然張嘉兒只練得短短5日，但表現大勇，可以凌空做出一字馬動作，唔係齋賣性感咁簡單。不過，她覺得舞衣略帶性感，所以加入薄紗做咗「手腳」，但強調老公Nathan思想開放，衣著呢方面冇畀意見。她又自言沒有舞蹈底子而緊張，好彩老公帶同寶貝女到現場為她打氣，笑言係最好嘅母親節禮物。

對於好姊妹岑杏賢選喺母親節宣布懷孕5個月，嘉兒坦言早知道，但要待好姊妹穩定後自行公佈，而甚有經驗的她亦已傳授錦囊：「我同老公及佢兩公婆4人Double Dating，我畀咗好多資料佢哋。」她表示初孕的岑杏賢身體好好，身材好Fit，佗得好靚，只係初時有少少孕吐。見到好姊妹懷孕，嘉兒笑言也心思思生第3個，只怕冇時間留畀老公要再三考慮，問老公意下如何？她冧爆說：「老公交託由我嚟話事。」