肥媽Maria Cordero今日在尖沙嘴出席活動，適逢母親節，她指昨日在家中準備海鮮大餐，準備好今晚與兒孫一起慶祝。
提到曾獲兒子叮囑退休，肥媽聞言即笑說：「日日叫人退休，退休做乜鬼？我而家都屬於半退休，但都畀啲自由我，我喺屋企煮咋，放喺facebook都唔得？」是否因大台推「限廚令」，故將烹飪節目搬至自己的社交平台？肥媽說：「如果佢畀期我，我就返咋嘛，但佢而家改革，咪畀啲時間佢；之前係一年拍一輯，原本今年3、4月拍，但當時疫情太勁，大家都話唞唞，因為我哋成廿幾人去拍，而家我習慣咗懶，喺樓上化個妝落嚟就煮得，仲可以着睡褲拖鞋。」
肥媽現時直播煮餸，問到收入是否可觀？她直認好好。是否好過為大台拍節目？她即係：「梗係每個月拍4日，點都有6位數字收入，最高嗰次係40幾萬收入，因為當中幫產品做推廣，有啲係佣金，目前有3、4個廣告，仲有好多要考慮。」
-----------------------------
蘋果App大升級 更簡潔更就手！了解更多（立即下載體驗）
-----------------------------
蘋果初心不變！26周年「撐蘋果Tee」預售：
你的優惠訂購（海外訂購按此）
來源 source: http://hk.appledaily.com
|
鍾意就快D Share啦！
|
|
|