熱爆娛樂: 「底褲大王」賣樓勁賺3700萬｜張寶兒獲父豪贈百萬名錶袁偉豪：佢父母欣賞我捱出自己事業 #張寶兒 #袁偉豪

2021年6月1日星期二

「底褲大王」賣樓勁賺3700萬｜張寶兒獲父豪贈百萬名錶袁偉豪：佢父母欣賞我捱出自己事業 #張寶兒 #袁偉豪

29歲的張寶兒（Bowie）去年跟袁偉豪結婚，榮升人妻。日前，Bowie撇甩老公，陪父母high tea兼行名店。當日Bowie全程做乖乖女，氹得兩老非常開心。

話說去年5月，有傳張爸爸一擲4000萬給Bowie同袁偉豪做首期，買入西貢傲瀧獨立屋築愛巢。不過，事後貴為「3億駙馬」的袁偉豪表示：「層樓我唔使供咩?」，更嬲爆反駁網民:「繼續話我食軟飯！」老公發火，不過Bowie就未有受影響。繼續有老竇錫到燶，Bowie更加要抽多點時間，孝順兩老!

富爸爸賣底褲起家

被封「億萬千金」的張寶兒，爸爸張煌煌做成衣生意起家，有「底褲大王」稱號。80年代在香港開紡織廠，之後遷移內地發展，十幾年前，已經在中山有數萬尺廠房，過千員工，主力生產男裝內褲。10年，更創立自家品牌「Simki」，每年生意額高達數億。加上張爸爸投資有道，在香港擁有7 個豪宅，包括3個跑馬地禮頓山單位，及4個西貢傲瀧豪宅，市值超過3億。最近，張爸爸更成功出貨，以4800賣出其中一個禮頓山單位，該單位02年以1,100買入，勁賺3700萬。

29歲的張寶兒去年跟袁偉豪結婚，榮升人妻，而袁偉豪則被封「3億駙馬」。



張寶兒的爸爸張煌煌做成衣生意起家，更創立自家品牌「Simki 」，有「底褲大王」稱號。



去年5月，有傳張爸爸一擲4000萬給Bowie同袁偉豪做首期，買入西貢傲瀧獨立屋築愛巢。

陪兩老歎下午茶

賣樓有斬獲！日前一家人相約去high tea，由張爸爸請客。現場所見，他們一共order了兩份Tea set，每份$728，埋單$1500有找，張爸爸更拎出黑咭找數，而張媽媽就細心檢查單據。之後一家人在附近逛名店，期間Bowie全程拖實媽咪，有時又繞下爸爸，一家人感情非常融洽。當日Bowie 身上行頭都唔惹少，孭住一個價值約7 萬的Hermès toolbox。



日前Bowie陪父母去high tea兼行名店。



張爸爸請客，更拎出黑咭找數。



Bowie全程拖實媽咪，十分貼心。



Bowie時不時又繞下Daddy，一家人感情非常融洽。

晒Hermès輸俾傅嘉莉

其實早前在TVB 節目《姊姊淘》中，Bowie 跟另外兩個主持莊思敏及傳嘉莉，齊齊大晒私伙珍藏包包。Bowie出動了2個Hermès Birkin 同1個Kelly ，3個加埋炒價總值40萬左右，不過仍然輸給傅嘉莉。事關傅嘉莉的其中2個Hermès包包，都是特別版，一個是鴕鳥皮，另一個是鱷魚皮，2個加埋價值約46萬。