由黎芷珊主持的療愈系訪談節目《單對單》將於周六播出，為了帶出「單身也可積極自強，活出精彩豐盛人生」主題，每集都會請來單身族做嘉賓。首集嘉賓請來「愛妻號 ...
由黎芷珊主持的療愈系訪談節目《單對單》將於周六播出，為了帶出「單身也可積極自強，活出精彩豐盛人生」主題，每集都會請來單身族做嘉賓。首集嘉賓請來「愛妻號」黃日華（華哥），以及「青春的秘密」米雪，二人分別帶芷珊重遊出生地九龍城及慢跑，與觀眾分享生活日常及單身如何也可活得自在。
感激女兒好友支持
華哥去年五月與愛妻天人永訣，經過一年時間，華哥已逐步走出陰霾，更罕有地在節目中披露失去愛妻後的感受及痛苦，並如何藉著好友與女兒芷晴的支持重拾生活正軌。華哥向芷珊透露之前與太太在九龍城留下不少回憶及足迹，縱然昔日快樂時光已無法重現，但現時重遊舊地也會盡量回想開心事：「一定要懂得放下，要接受事實！」
願為愛妻減壽
對街坊情也極為重視的華哥，坦言失去妻子後，人生經歷了重大轉變：「之前我係24小時照顧佢，佢突然走咗，好似做人冇咗目標，你唔知今日要啲做咩。」「好似好多時間剩咗喺度，因為最想照顧嘅人已經唔喺度。見到張床會諗起佢，見到衣櫃啲衫又諗起佢，見到啲相又諗起佢，心情係不受控制咁好Down。」華哥又謂難忘太太臨終前痛苦表示「我唔想死」，談及看著愛妻意志力逐漸消失，華哥更是數度哽咽：「我見到真係好心痛，我成日唸經時都講，你畀佢好番吖，我短十年命、廿年命都冇所謂。」華哥又謂當一覺醒來發現已沒有人睡在身旁時，他便真正意識到愛妻已不在身邊，並慢慢開始適應另一種生活。
點撃下圖率先睇節目！
黃日華帶芷珊重遊九龍城出生地。
![]()
![]()
![]()
![]()
![]()
![]()
![]()
點擊下圖觀看黃日華與家人合照：
![]()
![]()
![]()
![]()
![]()
![]()
![]()
![]()
![]()
![]()
![]()
同場加映：
點撃下圖睇邵音音巨型豪宅＋另一位於九龍塘逾 3000 呎豪宅！
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
![]()
