藝人陳凱琳上午（5日）到尖沙咀，出席曲奇活動。一直愛整甜品減壓的她，今次與曲奇品牌合作，推出蛋糕系列，她透露：「其實農曆新年時試過推出曲奇餅，咁就嚟30歲生日（6月23日），想喺呢個時候再嚟多次。（有乜生日願望？）都係想簡簡單單，一家人切吓生日蛋糕咁。」
談到今年未能出埠慶祝，她謂：「可能去吓staycation，玩完唔使我執屋。（老公鄭嘉穎畀驚喜你？）我同佢講咗唔使，依家知道大家需要啲乜就得啦。（送間餅店畀你？）唔好啩，情況等於人哋送寵物畀你，需要好多時間照顧，一啲都唔簡單。」她坦言近期內無意將整餅興趣變成生意。
陳凱琳續謂以往拍劇，覺得整餅不用與人溝通，讓辛苦工作得到喘息機會，如今則變親子樂：「試過同大仔一齊整，佢幫我放材料落去，其他嘢唔畀佢試住，驚搞亂檔。」而昨日（4日）她已完成《日日媽媽聲》最後1集錄影，短時間內都不會亮相幕前：「就嚟又暑假，想陪吓小朋友先。」
來源 source: http://hk.on.cc
|
鍾意就快D Share啦！
|
|
|