曾係韓國EXO成員嘅內地男星吳亦凡，近排被19歲內地網紅都美竹爆料「選妃潛規則」，二人先後對外宣稱唔排除會報警處理糾紛，不過原來事件仲有後續！都美竹由尋日（16日）開始就不斷晒出佢聲稱話係吳亦凡團隊同佢溝通嘅短訊截圖及錄屏等，指吳亦凡公司工作人員私下同佢協商，一開始公司方主動道歉，都美竹就要求吳亦凡方公開發文道歉，對方拒絕後更表示已經請咗律師處理，並見到寫有「有把握告贏妳，如果我們談妥，解決問題呢，也是不想弄得太複雜，可以讓團隊終止法律動作。」等截圖。
對話中又見到都美竹問對方要如何解決事件，公司方就要求佢刪除指控吳亦凡嘅文章，並重新Upload一篇「洗白文」，又表示願意支付100萬人民幣（約119萬元港幣）做封口費，惟都美竹開口要求加碼至800萬人民幣（約959萬元港幣）封口費，對方唔同意，最後雙方就答應以200萬人民幣（約239萬元港幣）「成交」。都美竹更聲稱公司方要佢公開其他7位受害者身份訊息，佢憤怒拒絕，認為對方冇誠意解決，最後談判破裂。
之後都美竹又公開對方畀佢嘅轉帳紀錄等相關資訊，並稱自己已報警。對於今次「爆料」，有好多網友質疑都美竹所言真假，更認為佢公開嘅所有對話紀錄都極有可能係造假，至於吳亦凡方就尚未出面說明，真實性有待商榷。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
