前韓國天團EXO成員、內地流量男星吳亦凡，近日同19歲內地網紅都美竹嘅「選妃潛規則」爭議鬧到熱騰騰，吳亦凡連日被都美竹爆出畀近240萬「揞口費」，望對方收口，點知卻被公開銀行轉帳記錄，當中就見到女方喺上周日（11日）收咗由轉帳人名義「WU YI FAN」、「WU STACEY YU」嘅兩筆50萬人民幣（約59萬港幣），女方更留言：「這個拼音看着好熟悉，貌似跟國內某男星頂流名字拼音一模一樣。」引發網友議論紛紛，雖然部分人認為有造假之嫌，不過亦有網友直指「這不就是實錘嗎？（大陸網絡用語：指有真相嘅證據）」
醜聞愈傳愈大單，吳亦凡方面到依家都未有回應，不過網友怨聲載道，本身吳亦凡同當紅女星楊紫合作嘅古裝劇《青簪行》將會於8月定檔，二人為劇集拍足一年，依家桃色風波持續延燒，恐怕會播出延期，更有網友群起「反凡」，要求劇組將吳亦凡被AI換臉！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
