2021年7月21日星期三

【相隔60年再合作】馮寶寶為四哥復出：佢都未抱霆鋒就抱我喇 #四哥 #謝賢 #謝霆鋒 #馮寶寶

【相隔60年再合作】馮寶寶為四哥復出：佢都未抱霆鋒就抱我喇

馮寶寶與謝賢相隔60年再合作。

馮寶寶最近謝賢合作演出電影《殺出個黃昏》，今次Bobo姐與四哥相隔60年再度合作，在《殺出》的預告片上，Bobo姐和四哥一見面就「雞啄唔斷」，被四哥「公主抱」的Bobo姐笑說：「我哋60幾年冇見呀！上一次係我4歲半拍《連理枝》，我演男仔㗎，佢都未抱霆鋒就抱我喇，我今次都係為四哥先拍！」接着她又大讚四哥：「英俊瀟灑、倜儻，永遠都係第一男主角。」

Bobo姐今次除了與四哥合作外，她飾演李璨琛的媽媽，與賈曉晨又有一場婆媳大戰，當中一句對白：「人生匆匆，就係為咗等敲嗰一下喪鐘。縱使你兒女成群，都總有一個係瘟神！」道盡了不少奶奶的心聲，亦令人感受到她在戲中角色遭遇。目前身在馬來西亞的Bobo姐在製作特輯上談到對角色感受，Bobo姐說：「作為母親對子女嘅愛，就係冇得講回報嘅，如果佢哋講嘢唔啱聽、激氣，我會喊㗎，但我始終都係會原諒。最多咪一路喊一路祈禱，等到適當嘅時候，大家坐低落嚟，傾開個心結囉。」

Bobo姐還表示《殺》片是她演藝生涯中，最珍視的其中一部作品：「《殺出個黃昏》係咁多年嚟，我做幕前工作最感興趣嘅，因為呢部係可以伙拍到呢位跨世代男主角謝賢嘅一齣電影。老實講，如果唔係跨到呢個世代，我都未夠斤両，配做佢嘅女主角」對於劇組的要求，Bobo姐說：「咁啱我好享受喺工作上別人對我有要求，我好鍾意感覺自己永遠仲有跨進一步嘅可能。」