《聲夢傳奇》5位學員包括姚焯菲、何晉樂、詹天文、張弛豪及林智樂於銅鑼灣出騷，唱片公司高層何麗全親自「監場」，又拿手機拍下學員演出及觀眾反應，相當落力。談到即將舉行的聲夢學員演唱會，何麗全坦言積極準備中，並指因不想學員們「孭飛債」，宣布將於8月12號再加開1場：「依家總共4場，冇得再加喇，因為場地檔期問題。（演唱會之前為學員推出單曲？）會呀，依家炎明熹同張弛豪新歌正在準備中，我哋再安排咗姚焯菲、鍾柔美、詹天文同文凱婷負責演唱《多啦A夢》主題曲，以配合今年嘅兒歌金曲頒獎禮。」他指短短3個月，一眾學員能夠有4場演出已不錯，亦希望做到每晚有不同演出，帶給觀眾新鮮感。
何麗全又坦言覺得炎明熹較適合單飛發展，問到每位學員是否獲「公平對待」，他說：「一定會，起碼每個學員都會有自己單曲，以配合嚟緊佢哋拍攝嗰套青春劇。（積極訓練佢哋嘅演技？）佢哋有啲已經上緊藝員訓練班，跟馬浚偉學戲。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
