無綫歌唱節目《聲夢傳奇》學員姚焯菲（Chantel）和何晉樂（Rock）到銅鑼灣與粉絲見面，歌迷逼滿3層商場，相當墟冚！他們指早前目擊《聲夢》舞台拆卸，大感不捨，爭相拍照留念。談到昨日（30日）與前輩古天樂同場，對方拒絕回應有關《聲夢》問題，於網上廣泛流傳，不過Chantel和Rock坦言不介意，Chantel說：「佢咁做都係保護我哋，因為大家唔係接觸得好多，佢可能驚講錯嘢。（想合作？）想，但點都要做好眼前嘅演唱會先，其他嘢遲啲先算。」
Rock則謂：「古生係我哋嘅前輩，相信大家都好想同佢合作。（全城熱話都冇唔開心？）佢都冇講啲乜嘢，體會嘅嘢見仁見智，我覺得古生同我哋同台合照都好開心。（有傾偈？）咁多傳媒朋友圍住佢，點埋到身呀？」
希望有自己作品
談到演唱會準備，Rock預告會有不同學員組合，相信屆時聽歌之餘觀眾亦有舞睇。問到他何有甚麼撒手鐧，他說：「會唱番自己最擅長嘅抒情歌。」而他們都希望自己能夠有屬於個人的新歌推出。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
