藝人熊黛林（Lynn）晚上（4日）現身會展，出席寰亞有份投資的電影《1921》首映禮。剛從內地返港不久的她，透露與兩名女兒重逢一刻相當窩心：「佢哋大叫媽咪，然後好似樹熊咁撲埋嚟，手臂好重。」Lynn開心表示未知是否久別重逢的關係，囡囡目前都聽話：「一叫佢哋就行埋嚟。依家見到我化妝整頭出去做嘢，無論出去定返屋企，佢哋都會話媽咪好靚！佢哋最驚我接電話，因為知道可能我又要去街，就會爆喊。」
她透露今次返港想逗留兩個月，陪囡囡放暑假，目前預計9月會在出門。談到暑期節目，Lynn靦覥謂：「其實安排咗佢哋返暑期班，聽朝早開始要返學。我特登聽老師講分開咗佢哋唔同班，等佢哋唔好太依賴。（唔驚到時佢哋爆喊？）就係驚，所以我都會陪佢哋早起。佢哋有成年幾冇返學，係時候要適應吓冇大人喺身邊，同埋我覺得大人都要放暑假。」Lynn又指老公郭可頌從報道得悉自己有意9月「再走」，她說：「佢問我真係㗎？我話研究中，惟有安慰佢到時可能已經通關，隔離唔會咁耐，可以成日返嚟。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|