2021年7月11日星期日

【紅館首場Show】林海峰洩開騷前爆笑對話 54歲黎明潮唱《蒙著嘴說愛你》 #林海峰 #黎明

【紅館首場Show】林海峰洩開騷前爆笑對話 54歲黎明潮唱《蒙著嘴說愛你》

當年嘅四大天王黎明同林海峰唱自己嘅歌，姜濤感恩地講謝謝。

黎明昨晚踏足已闊別十年的紅館舉行一連九場的《Leon黎明Talk & Sing 2021紅館演唱會》，頭場嘉賓有林海峰，佢喺IG洩開騷前兩個禮拜跟黎明的真實對話:

林海峰：多謝你邀請我做嘉賓，但係金句王面前我真係唔知噏咩喎？

黎明：唏jan⋯噏咩，Up to you la 。

林海峰：咁⋯（硬食）好啦，到綵排時我再大概話你聽噏咩啦。

黎明：唏⋯jan，綵排綵排都不及天意安排啦。

林海峰：（完）

黎明講嘢真係好好笑。

林海峰在台上同黎明講，「唔好話我唔提你，今時今日都要忌一忌，隨時另一半跟咗姓姜，」全場爆笑，明顯林海峰都係「我老婆嫁左比Mirror導致婚姻破裂關注組」花生友，然後兩人唱出期限間定嘅《夏日傾情》+《蒙著嘴說愛你》，商台DJ當奴亦在場，講明首首歌都識唱嘅佢感懷美好的90年代，亦在IG限時動態上載一段黎明與林海峰合唱《蒙著嘴說愛你》的片段，而姜濤亦在IG上載有關片段並寫着：「謝謝」，但不知片段係自己拍定朋友Send畀佢。