藝人萬梓良2002年與年輕16歲嘅老婆郭明黎結婚，二人育有一子萬大千，係萬梓良九代單傳獨子，一家上下視佢為心肝寶貝。近日網上流傳一段佢為兒子慶祝18歲生日嘅短片，現年64嘅萬梓良展現鐵漢柔情嘅一面，佢喺片中話：「我的兒子長大了，我明天要回香港，我希望你好好的。人生是由你自己走，老爸今天送你一塊沒有字的金屬牌，意義是你將來有甚麼成就，自己雕刻上去；那時候老爸在天上看着，一定看見你，你是我唯一兒子，我一定看着你。」
為咗報答爸爸養育之恩，阿仔向萬梓良獻吻，錫咗對方面珠一啖，此時萬梓良不禁落上男兒淚，畫面好溫馨，老婆郭明黎亦有現身。唔少網民放錯重點，指阿仔長相同無綫藝人吳業坤好似，一樣戴上眼鏡，大讚有明星相！不過萬梓良曾表示唔贊成阿仔入行，即使父子檔都唔可以。
本文作轉載及備份之用 來源 source: http://hk.on.cc
|
鍾意就快D Share啦！
|
|
|