女神邱淑貞大女沈月尋日（13日）20歲生日，阿媽咁出名，點知佢竟然發現自己喺搜尋器寫錯佢名，為佢呢個生日帶來笑料！唔只咁，佢仲過咗個好特別嘅20歲，搞咗個以Roarin' 20s（咆哮的二十年代）為主題嘅Party，壽星女同班好姊妹都着上20年代西方國家興起嘅華麗衣服，其中嘅例子就係由里安納度狄卡比奧所主演嘅電影《The Great Gatsby》（大亨小傳）中，一班貴婦都穿上金光閃閃嘅華麗晚服，紙醉金迷！
而身為主角嘅沈月就以淺色系上陣，穿上露肩裙配搭毛毛披肩，再戴上多條珍珠頸鏈，非常復古，好有女人味！除咗班好閨蜜，同場仲有甚少露面嘅邱淑貞，兩母女同樣耀眼奪目，網民都話似兩姊妹多啲！
沈月多謝大家祝福，仲非常有愛心做善事，過咗個有另類意義嘅20歲，佢留言 ：「其實我今年讓家人朋友們不要送我禮物改成捐款。因為非洲馬達加斯加剛剛遇到了旱災+風沙災讓很多家庭連喝水和吃的都沒了。很感謝能夠捐贈4500餐飯給這些家庭！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
