2021年8月14日星期六

陳詩欣七夕放閃未婚夫IG內藏大量親密照 #陳詩欣

陳詩欣七夕放閃未婚夫IG內藏大量親密照

陳詩欣亦有慶祝七夕情人節。

有「TVB長腿女神」之稱嘅陳詩欣（Eunice）喺上月宣布封盤，將與拍拖3年同圈外男友陳爾正（Joshua）結婚。今日係七夕情人節，佢亦都有喺IG上貼出婚紗照慶祝，留言：「七夕快樂 My fiancé（未婚夫）」。

陳詩欣仲hashtag咗未婚夫Joshua嘅IG，估唔到放閃程度比詩欣仲犀利，裏面上載大量與詩欣拍拖時候嘅甜蜜片段。兩小口去到邊都係形影不離，會一齊慶祝生日、聖誕節，又會不停錫錫錫，真係睇到糖份指數升高。Joshua曾被爆係學霸，而詩欣就鍾意未婚夫為人夠晒成熟、穩重，仲好孝順，而對方亦好支持佢繼續喺娛樂圈發展。