吳君如有信心電影受歡迎 連訓練班同學都專登入場支持
電影《媽媽的神奇小子》昨晚舉行慈善首映禮，此片根據前殘奥金牌得主蘇樺偉的故事作真人真事改編，除了一眾演員及嘉賓均出席支持，包括有吳君如、梁仲恆、張繼聰、盧海鵬、馮皓揚、天諾和柳應廷（Jer）外，蘇韓小貞（蘇媽）和蘇樺偉亦有份出席等。本月2日是吳君如56歲的生日，一眾演員送上蛋糕為她慶祝。吳君如笑言日前生日與家人一起慶祝，因疫情下不敢外出，雖然爸爸夏春秋九十幾歲，但好想睇首映禮，所以做足防疫措施應該沒有問題。
談到生日願望會否希望電影大受歡迎，她坦言很有信心，因為經常參與謝票時聽到最多人話喊到成杯水：「呢部戲帶出人咩叫忘記快樂，偉仔有得跑步好快樂，蘇媽見到個仔跑就快樂。今日好開心，戲中幾位兒子梁仲恆、馮皓揚同天諾同場，好似三代同堂。」君如表示稍後也會努力為該片謝票，但最感動當年藝員訓練班的同學打畀她，雖然經已離開這行，原來專登入場睇戲支持，而盧海鵬為了幫忙客串演其爸爸一角，更山長水遠坐車到廣州拍攝，為了答謝對方，所以不停請吃美食。戲中扮演成年版蘇樺偉的梁仲恆，笑指經已傳訊息畀君如祝賀生日，更送上錫錫emoji公仔。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
