藝人陳國峰（Penny）今日（15日）以健美比賽大使身份，現身會展「美與健生活博覽」，同場還有一眾健碩參賽者。他透露除了跟孫慧雪拍電影之外，還為無綫新劇《隱形戰隊》趕工，講到原定有份參演同劇的潘梓鋒（Bryan）近日涉嫌爭女打架被捕，更全面停工，Penny指跟對方沒有同場，但私下是波友，所以都有慰問對方：「以我認識嘅Bryan唔似咁粗魯，好睇得開，斯文又玩得，可能對方講咗啲傷害性嘅說話、做咗啲傷害性嘅動作，先令佢到咁衝動，我有叫佢抖吓，唔好諗咁多，等時間沖淡一切，佢都認衰太衝動。」又指沒有再問關於停工、感情轇轕等事，不希望對方受影響。
講回跟孫慧雪的合作電影，Penny表示近日瞓身其中，笑言兩個兒子比太太更詐型：「太太好支持我，但兩個仔成日扭計，特別我出門口嗰陣，大仔就會嚟攬住我隻腳，細仔就跟住嗌，但當我一返到屋企就興奮到樓下都聽到！」續說因為拍戲食無定時、又瞓無定時，現時是人生10年以來最瘦，打趣問敢在班健碩參賽者除衫騷肌？他抵死笑話不敢，因為怕嚇走人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
