撞期辭演《怒火》 陳家樂幸獲陳木勝邀請客串一日：很好紀念
陳木勝導演遺作的英皇電影《怒火》，昨晚舉行首映禮，一眾演員陳家樂、譚耀文、胡子彤、張文傑等出席之外，謝賢、狄波拉、英皇集團主席楊受成博士、周勵淇及張敬軒等人出席支持，大會宣布內地票房目前累積已超過8億人民幣。
楊受成博士表示認識導演陳木勝有30年，對方出名是好好先生及君子導演，從未見過對方罵人或發忟憎：「佢離開我哋，相信全世界觀眾大損失，係電影圈損失！《怒火》上映，遇上河南大水災，無幾耐內地疫情反彈，當時好擔心。但好幸運我哋上映18日一直以嚟係票房冠軍，證明部戲嘅質素非常高。」
參與陳木勝導演遺作演出，陳家樂坦言開拍前洽談該片演另一角色，礙於拍攝時間多而撞期推卻，後來導演再找他客串一日飾演甄子丹的上司角色：「雖然有少少遺憾，但亦好感恩可以參與這個作品，如果冇導演第一日搵我拍戲，係無人會搵我！記得第一日試鏡發生嘅事，我依然歷歷在目，拍咗呢部戲算係一個好好嘅紀念。」另外，有指陳家樂去年與家人合資買入何文田豪宅，但近日因未能成功交易可獲退全數樓價，涉額逾半億元，家樂自稱投資一切交由家人處理。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
