藝人李思捷在將軍澳電視城為身兼監製與主持的遊戲節目《思家大戰》進行拜神儀式，首集嘉賓包括有湯怡、陳家樂、吳浩康、泳兒等。思捷暫別無綫3年，對上工作要數到劇集《她她她的少女時代》，期間自己製作音樂及寫劇本，他說：「一直有兩個願望，第一個《今晚睇李》已經做咗，另一個願望就係想做呢個遊戲節目，今次公司買咗《Family Feud》版權返嚟，節目已經有45年歷史，75個國家做過，我10歲已經開始睇，就係香港一直冇人買嚟做。」
思捷指節目總共會送出100萬獎金獎品，每集勝出終極遊戲大獎的一隊可獲5萬元獎金，問到節目為無綫爭收視打仗？他說：「又唔係嘅，我覺得有競爭先好玩，一個台玩晒邊好玩，咁樣先健康，勝負唔重要，有人講吓都好呀。（對收視有冇信心？）我有信心會做得好先出街，收視就要睇天時、地利、人和。（曾志偉搵你返嚟做？）係，其實呢個節目5年前我已經推薦過，但係時機唔同，就算5年前志偉喺度都未必做到。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
