2021年8月17日星期二

撞正泳池休館冇得游水　方力申扮Lucy喊扭計：我哋係好演員 #方力申

撞正泳池休館冇得游水　方力申扮Lucy喊扭計：我哋係好演員

方力申稱已穿上泳褲，但未能游水。

方力申自上月到日本採訪東京奧運會，完成隔離及工作後，他一直仍留在當地觀光，一有時間便到泳池游水，玩得開心又盡興。他在社交網的限時動態上載多條片段，指自己見連續多天落雨，終於等到天氣轉好，可以去游水，但他到達場館時才發現昨日（16日）休館，令他感到失望。

不過小方搞笑地模仿李璨琛的3歲囡囡李元元（Lucy）前日（15日）因試完校服才發現未開學，嚎哭表示好想返學，他在片段中以索鼻想喊聲線說：「正所謂天有不測之風雲，落咗幾日雨，今日唔落好天喇，諗住嚟游水，點不知佢今日唔開門呀！佢點解今日唔開門呀！咁點算呀……點算呀我，我行返酒店喇！」他打上「我好唔開心呀」、「我好想好似Lucy咁喊呀」。之後Lucy媽轉發小方的帖文取笑：「呢條友話佢着咗條泳褲但冇得游水，然然佢都想喊，You feel Me？」小方回應稱：「I feel you Lucy BB，因為我同你都係好演員。」