冤枉新秀訓練營丨毛舜筠向學員分享演戲小貼士：當玩啦
毛舜筠（毛姐）、導演彭秀慧及陳詠燊最近為英皇選秀真人騷《冤枉新秀訓練營》進入Stage 3的「戲劇對賽」，比賽的五個劇目分別為《証人》、《前度》、《聖荷西謀殺案》、《我的筍盤男友》及《不日成婚》，對決開始前，毛姐先給學員一個小貼士：「當玩啦，最緊要唔好緊張。」KP及Sunny亦分別透露自己的評分則，KP直言：「你哋陣間嘅演出一定係會打七折，預咗你哋會緊張，但亦都有個機會係你爆發到一啲平時你見唔到嘅嘢，所以我覺得唔好諗咁多。」Sunny則謂：「如果你入咗戲，係會有一股氣場令人感受到，我期待一陣間睇睇吓我會睇到好入神，俾你哋個氣場吸引到啦。」
毛姐其後一語道破各人的問題，例如學員Helen「不斷眨眼」、第二組Sobi、燒賣及Jonathan的大細聲控制得不是太好，到了第三組的教練及Elka，毛姐坦言二人由頭到尾都入唔到戲，「兩個都喺度背晒要背嘅嘢，特別係Elka。如果呢個係一個廣播劇，我諗你好滿分，但而家係演出，我淨係聽到你把聲好好聽，但係冇感情，所以我都投入唔到。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
