孫慧雪（阿雪）今日（20/8）現身紅磡出席《01親子·最愛生活品牌大獎》頒獎禮。提到同囝囝如何相處，阿雪笑言：「其實有留意我社交媒體，就會知道我同佢都幾打成一片，而且大家係玩得幾癲。而且我同小朋友相處，我唔會係一個虎媽嚟，因為我細個嘅時候係嫲嫲湊大我，而佢同我相處時係用朋友式，佢會同我玩又同我傾偈，變咗我係好鍾意佢同信任佢。咁到我有小朋友嘅時候，我都想佢好黐我信任我。」
被問老公是否一名嚴父？阿雪笑言：「通常佢都係做衰人嗰個。但唔知我個囝係咪細個比較黐媽咪，一旦爸爸想攬吓佢，佢就會推開佢。試過爸爸要同我講嘢，佢就會話唔得，咁變咗我老公都幾傷心。我仲記得初頭嘅時候，大家都有傾過邊個做衰人，邊個做好人，但其實我哋兩個都唔願意做衰人嗰個，咁變咗有時真係難為咗佢，要佢做衰人呢個角色。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
