鄭世豪拍健康產品廣告時環境佈置到好陰森，以為去錯地方。
在《愛．回家之開心速遞》飾演細龍生的鄭世豪，憑「廢柴」角色入晒屋，早前更獲拍攝電視廣告，宣傳胃部的健康產品 ，但製作團隊卻將現場佈置得像拍恐怖片一樣，而且要求他走入昏暗的房間裡去查看「不明物體」，十分詭異。鄭世豪說：「由細到大我都唔夠膽去睇鬼片，更莫講話拍鬼片，就算有太太陪伴，都唔夠膽去睇。拍廣告嗰日，一早去到拍攝現場，見到陰森恐怖嘅燈光和環境，仲以為自己去錯咗地方！原來導演係想表達出胃痛有幾恐怖，而嗰個『不明物體』只係自己喺廣告中嘅妹妹。」
不過踏入農曆七月，他直言要拍攝這類題材的場景，總會覺得有點不寒而慄的感覺，他說：「為求心安，拍完之後，我都喺房內同空氣講咗一句『唔好意思，今日打攪晒各位』！」
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|