「體育局當然想拍3場都係贏」
談到籌拍《奪冠》，陳可辛最關心是怎樣拍才不至成為「朗平傳」，雖然朗平在中國女排歷史上是舉足輕重，但這是一項團體比賽，太注重朗平會對「中國女排」不公平，所以戲中有出現黃渤飾演的教練角色，起中和作用。不過電影開鏡時，縱使未發生中美貿易，但已經有人提議不要拍中國輸畀美國隊哪一場。「體育局當然想拍3場都係贏，不過最終都獲電影局批准不用更改。」
郎平教練｜中國女排無緣衛冕淚灑道別 《奪冠》拍出早受傷患困擾
除了體育局，電影出街後，都有觀眾問點解唔拍中國隊在雅典奧運，戰勝俄羅斯那一場，那場賽事非常精彩。陳可辛︰「我知場波好睇，但而家是拍電影，要講劇情，其實從電影角度看，今屆奧運賽事更好睇，朗平臨退休最後一次帶隊，在疫情下艱苦訓練一年，但最終國家隊連輸三場，輸晒之後又贏番兩場，而這兩場是無需要贏的都贏埋，幾好睇，這才是電影！當然我覺得這種情節，一世都冇得拍。」Peter又坦言自己不是運動迷，因為拍《奪冠》認識了部分國家隊成員，大家就像家人一樣，所以今屆特別追看所有賽事，好似看家人落場一樣肉緊。
訪問又提到，香港電影未來何去何從？在眼前似乎是一條絕路，但陳可辛反而一臉樂觀︰「香港已經死到冇得再死，電影去到變成完全冇商業價值時，就會有轉變。置誅死地而後生，才會出現一班有火的年輕電影人，以前拍戲有很多限制，拍不出自己的作品，現在是要你拍出自己的作品。」陳可辛又明言，一個700萬人口的城市，根本養活不到一個電影行業，但近年又出現好些演員及工作人員，肯為電影近乎不收片酬接拍，這就是電影人那團火。
本文作轉載及備份之用 來源 source: http://www.hk01.com
|
鍾意就快D Share啦！
|
|
|