醉心工作嘅視后李佳芯（Ali）事業有望再上高峰，喺新劇《智能愛人》入面明顯演技再進步，早前同拍拖多年嘅陳炳銓傳出情變，大家都封口唔講，Ali依家終於鬆口，自爆分手主因！本身Ali喺2018年憑《BB來了》奪得視后寶座，事業高峰嘅佢反而認為自己好想結婚，更主動向陳炳銓提出婚事。
雖然二人都有討論過結婚話題，可惜當時雙方步伐唔一致，Ali就苦笑指自己收收埋埋，好遲先主動提出結婚，點知最終都係分手收場。Ali又表示二人再見亦是朋友，最近籌備拍微電影都會向陳炳銓問意見，依家兩個人關係相處舒服，又提到將來遇到啱嘅對象，Ali就指自己一定會嫁人，仲要留待緣分安排。
陳炳銓對於二人分手原因，佢回覆東網指佢最着緊係Ali能被觀眾肯定：「我們之間的事我們懂就好了。而我在意的，是有觀眾對她的演出有所肯定，這便足夠了。謝謝🙏🏻（會否有復合可能？）一切順其自然吧，不多談了，謝謝。」
至於Ali回覆東網表示：「已經講晒，所以冇補充了🙏🏻（同陳炳銓有復合可能？）正如他說：我們之間的事我們懂就好了，多謝關心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|