無綫唔少新聞小花都係網民嘅討論對象，查實隔籬台都有唔少靚女主播，好似身兼瑜珈導師嘅新聞與財經主播丘靜雯（Nicole），因為同韓國人氣女團Apink隊長朴初瓏撞樣而引起注意！佢喺陳嘉倩離開無綫後，獲網民力捧做新一代主播女神，仲有「最美主播」之稱添！雖然人氣差成條街，社交網追蹤人數得1.5萬，相比對嘉倩BB嘅19.8萬差13.2倍，不過正所謂「長江後浪推前浪 一代新人勝舊人」，Nicole絕對唔輸畀嘉倩BB！
Nicole城市大學畢業，動靜皆宜，除咗鍾意做瑜伽，仲好鍾意去行山去沙灘同陽光玩遊戲，咁就當然唔少得比堅尼啦，佢社交網有唔少性感水着照，身材豐滿，最近一次仲着上火紅比堅尼出海，勁騷事業線，仲攬住一肌男，唔通已經名花有主？
佢留言以「教練」稱呼對方，不過其實真係佢男朋友，兩人不時都會晒甜蜜合照放閃，睇嚟宅男們都係得個恨字喇！而尋日（6日）佢晒出喺酒店影嘅相，坐喺窗台前晒出美腿，透露係「Staycation初體驗」，網民都叫佢記得要拉窗簾呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|