藝人周秀娜出席品牌活動，講到與張繼聰主演的電影《馬達．蓮娜》成為《香港亞洲電影節2021》的開幕電影，她透露今年1月1日到澳門拍此戲，隔離完就趕得切食除夕飯：「冇諗過年頭拍完，咁快就有好消息，好開心。」她又謂拍此戲既痛苦又快樂：「因為我同阿聰嘅愛情故事好濃縮，一個月內發生晒相識、信任、甜蜜，最後各自放唔低過去而無奈分開。」
她又謂一開始知道對手是阿聰既開心又擔心：「因為佢係一個好搞笑嘅人，可以令你放鬆，但擔心自己忍唔到笑，不過佢好專業，同佢試戲同圍讀，準備咗好多。」問到他們可有親熱戲？她笑言：「有嘅，最舒服就係拍親熱戲，因為我哋喺最凍嘅時候拍戲，我又要着高衩旗袍、背心短裙。我哋喺車拍親熱戲，車入面開晒暖氣，雖然我着背心短褲，但就係最暖嘅親熱戲。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
