靠朋友走出低潮丨曾患抑鬱終日流淚 簡慕華：對住塊鏡鬧自己
44歲的簡慕華在2017年低調結婚後便淡出幕前，並移居加拿大，直到今年回流返港拍攝ViuTV改編劇《大叔的愛》，今次除了與好拍檔黃德斌合作外，還與MIRROR的Edan、Anson Lo、Stanley等人合作，想不到竟然擦出火花，得到不少網民關注。簡慕華坦言今次相信是因為德斌的關係，令她有機會參與演出，她說：「我覺得因為導演搵咗德斌，所以咪諗起我，因為我同佢好多套戲都好夾，咁啱呢一套劇製作得好匆忙，想搵一啲合拍啲嘅人去做，喺時間上會快啲，就諗起我，我估係咁。」
簡慕華坦言一直都有人找她拍劇，但因她身處加拿大，所以不會刻意返香港：「呢套講到實牙實齒係德斌做，時間又啱啱好，我就返嚟搏一搏，要隔離都制！嗰陣要隔離21日，好長時間。」戲內兩人給人老夫老妻的感覺，戲外兩人亦是好朋友，簡慕華說：「我哋都成日出嚟玩、食飯、睇戲同傾偈，佢啲生活習慣、飲食、思想模式都同我好似，好多嘢都係互相影響。」
曾有提到黃德斌因工作經歷低潮時期，而令情緒出現問題，簡慕華坦言自己都曾經歷情緒低落，不過是因為家人及感情方面：「工作都會有少少影響，但係我唔會睇得咁重，我都好似德斌形容咁，都係曾經試過嚴重到唔想出街、唔想見人，終日喺度喊，試過連睇周星馳、卡通片都喊呀！我知道係要睇嘢去分散自己注意力，咩方法都試過晒，但都係升唔返起個情緒。」
直到有一次她照鏡，終於令她正視了問題：「我同自己講，你真係好唔掂，唔可以畀自己再沉淪落去，於是我就上網搵抑鬱嘅病徵，十個裡面十個中晒，我就知道不得了啦，如果唔再醫自己，就係咁先㗎嘞。」最後她先向朋友傾訴，再出去享受大自然的聲音，感覺好舒服，經過一段時間後，慢慢從谷底爬返上來，唔使食藥，我就正常返晒。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
