繼曾志偉及王祖藍回巢出任無綫高層後，據知連組合農夫的C君都出任J2的創意總監，今日（1日）無綫內部通訊公布消息，指37歲鄭詩君（C君）將出任TVB的J2台創意總監（Creative Director (J2) of Production Division）。
據知C君今日第一日返工，C君一向與無綫關係良好，曾拍攝多部電視劇及主持多個綜藝節目，包括《Do姐有問題》、《Do姐去Shopping》等，出名轉數快又創意無限，在電視劇方面，於《智能愛人》演出男配角。
C君接受東網訪問時表示：「20年前都係做創意嘅工作，依家就係第一日返寫字樓工，暫時團隊只有我一個咋，不過都有文具、水機陪我嘅，令我有壓力係要填好多表，好怕填錯囉。」至於可有大計？他則說：「大計未有，諗緊細計，之前都同志偉傾過啲構思，依家就係實行。」又強調雖工作崗位有變，但仍會有音樂作品推出，不過幕前演出會相應減少。問可會帶挈組員陸永有更多演出機會？他說：「唔使啦，佢已經喺劇集《智能愛人》嘅男主角啦，已經一『部』登天啦。」
陸永則表示一早已收到風，笑言：「佢一定勝任呢個位，只係怕佢早唔到起身啫。」又指C君任高層後不會影響農夫繼續合作：「我哋仲做緊新歌，佢咁有創意先做到高層。（會唔會同C君𢱑撈？）做綜藝活動一定搵我哋啦，唔使𢱑嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
