型男謝霆鋒同天后王菲自2014年被拍到世紀復合後，都未試過同台出騷，尋日（21日）佢哋一同獲邀參與晚會，霆鋒擔任主持人，王菲則任表演嘉賓，本來一眾網民都以為佢哋可以世紀同框，但最終都未能如願，相當失望！喺節目播出王菲唱歌嗰陣，坐喺台下嘅霆鋒未有望鏡頭，又未有望向台上嘅王菲，全程低頭零表情Cool到爆，但係其他主持人包括鄧超等，都偷望咗霆鋒一眼成為咗亮點！
據現場網友指出，其實王菲嘅歌唱表演係預先錄好嘅，所以佢哋唔只冇同框，原來仲唔係同場添！但係有網民就話當螢幕上播放王菲嘅演出嗰陣，霆鋒咁啱喺佢身邊經過，睇到霆鋒忍唔住偷偷望個Mon，仲面露Sweet爆表情，網友都話畀佢閃盲呀！而有網友就封偷望霆鋒嘅鄧超係「第一花生友」、「超哥那意味深長的一眼」，有網友就留意到旁邊嘅女主持都偷望霆鋒，而有網友仲笑霆鋒扮Cool「全場都在鼓掌，除了謝霆鋒」，相當搞笑！
本文作轉載及備份之用 來源 source: http://hk.on.cc
|
鍾意就快D Share啦！
|
|
|