「視后」李佳芯（Ali）今日（27日）在銅鑼灣出席活動，講到無綫有人事變動，身為副總經理的曾志偉，榮升為總經理（節目內容營運），Ali說：「自己冇留意高層變動，但係升職、加薪就係開心事，對我亦冇乜影響，自己向來唔係主動嘅人，可以話係唔知道自己嘅長處，好似以前都唔知自己適合拍劇，都係拍過先知道原來可以。」
講到在劇集《智能愛人》的演出大獲好評，會否有望再奪視后？Ali笑說：「依家言之尚早，年尾仲有好多大劇出街，其實要演機械人，自己都冇乜信心，都係摸住石頭過河，出到嚟觀眾鍾意，自己覺得仲想點，唔會諗攞獎，有獎就係bonus，自己滿足於現狀。」問到希望找個男朋友，還是希主再奪視后？她笑說：「我想搵個老公，唔係想搵個男友，直接啲。事業係緊要，但係滿足現狀，感情就難控制，如果有得揀，梗係揀樣控制唔到嘅。」
另外，有傳前無綫高層余詠珊回巢有線，並有意招攬Ali，Ali說：「完全唔知有呢件事，其實同佢一直都係冇直接聯絡，佢喺TVB做高層嘅時候，大家只係喺同一間公司做嘢，冇私下聯絡。」她又指與無綫還有數年合約在身，亦沒有離巢的諗法。
本文作轉載及備份之用 來源 source: http://hk.on.cc
|
鍾意就快D Share啦！
|
|
|