思家大戰｜馮盈盈爆勝負關鍵唔使用腦 李佳芯：最緊要夠真
李思捷主持的TVB遊戲節目《思家大戰》，周日（5日）播出的第2集嘉賓，請來《智能愛人》劇中演員李佳芯（Ali）、馮盈盈、泰臣、簡淑兒、Joe Junior組成的「智能」隊，與陸永、麥美恩、江欣燕、盧宛茵、戴耀明組成的「愛人」隊爭奪5萬元獎金獎品！
由於麥美恩、馮盈盈及江欣燕這三位女子組代表相當搶Focus，夠晒Open兼答案驚為天人，加上表情多又搞笑，令陸永相對失色；為了挽回焦點及爭取勝利，陸永不但竭力擠出金句，又與隊員麥美恩及江欣燕等夾計出「陰招」對付「智能」隊，欣欣受訪時笑言：「我哋係諗住中間有一題我哋唔玩讓畀佢哋玩，（因為）舐嘢機會好高㗎！」
第2集首條問題看似相當簡單，是「講出一套周星馳嘅電影」，正當以為是送分題，民調答案卻極度出人意表！第一個獲得回答權的李佳芯，原本信心十足地喊出心水答案，豈料答唔中，令現場所有人大跌眼鏡！之後陸永隊隊員於回答相關題目時亦先後「觸礁」。節目中其他貼地生活題亦同樣令一眾嘉賓搲爆頭，盈盈更數度露出尷尬表情。盈盈事後開心Share玩這遊戲節目秘技：「唔需要諗太多！諗太多會聰明反被聰明誤。」Ali則認為：「最緊要夠真！直接！大膽！」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
