索爆「星二代」王麗嘉（Irisa）遺傳到型男爸爸王敏德同名模媽媽馬詩慧嘅優良DNA，擁有一副Fit爆身材，成日都會影火辣靚相，然後大方擺上社交平台派「福利」。今日佢大騷Quali出席內衣品牌活動，表示私下着衫唔會理性唔性感，只要係着得舒服就得︰「習慣咗喺條街行會有人望。（有冇Fans跟蹤你？）有時會有啲奇怪男人走埋嚟，但其實佢哋都係想影張相，冇乜嘢嘅。」
問到Irisa着到咁Sexy，設計師外籍男友Daniel可會介意？佢自爆早喺今年4月已分手，目前係單身狀態，又自揭拍拖一年後覺得唔係好夾。雖然甩拖，但佢話心情冇受影響，依家好開心、好享受單身生活，對發展新戀情順期自然。
另外，Irisa透露正籌備個人服裝品牌，初嘗做老闆娘滋味︰「希望成功！暫時會做Online先。（投資幾多位數字？）因為都係啱啱先開始，所以唔會話投資好多，貨量都會預少啲。（順便做埋生招牌？）應該會，就可以慳番筆支出，哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
