歌手泳兒與髮型師男友拍拖多年，感情穩定，但她坦言兩人都會吵架：「嗌交又冇乜嘢，壓抑住唔嗌先有問題，我唔係潑婦罵街，會用方法話畀佢聽我唔鍾意、唔開心嘅地方，當然要時間磨合。」
問到同居可會令磨擦增加？她坦言：「我都幾易就人，我係諗清諗楚先會同居嘅人，唔會衝動，有啲生活上嘅嘢大家要避免磨擦，例如我需要空間，大家要有自己工作嘅地方，唔可以一齊喺廳，另外就係洗手間要分開，我同啲女仔朋友傾偈，大家都唔知男仔喺廁所入面咁耐做乜，例如原來喺度打機，但如果佢喺入面好耐你又急住用，就會發生磨擦，雖然好細微，但如果咁樣分開就會少咗磨擦，慢慢就會再少啲磨擦，依家唔可以話完全冇磨擦，但小事唔會影響感情。」而問到何時結婚？她笑言：「又問？順其自然，依家都唔係好時機，疫情之後再算。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|