藝人李蘊與老公婚後逐漸退出幕前，過幸福少奶奶生活，惟早前佢入院抽血做身體檢查，卻被網民指遭家暴，令佢嬲爆回應：「家暴，這是不可能的！」
佢今日（26日）再喺社交網更新近況，晒出一張瞓喺病床上插住喉管嘅相，自爆原來脊椎位置有腫瘤，需要做手術切除：「是咁的，我Pat Pat上面右邊舊骨痛咗幾個月，平時唔痛，係運動先痛，一路都以為生完小朋友有時又要抱，腰痠骨痛係正常冇理佢，上星期五心血來潮去睇醫生，醫生話似坐骨神經痛，不過叫我照下MRI（磁力共振）會清楚啲，咁照啦。一照就發現有粒1x1.6cm嘢喺胸椎椎管入面，即係脊椎腫瘤。我第二日就去大醫院搵大醫生睇清楚，第三日就入院同做各樣深層次檢查，依家就已經全身麻醉切咗粒嘢，拎去化驗驗清楚係咩嚟。」佢表示傷口約5cm大，暫時需在床上平躺：「兩、三日都唔畀落床，休息幾日就可以出院。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|