裕美爆男友鍾意在朋友面前露械 林媽媽跟前女友會夾計治林作
裕美和林作拍拖3年，雖然開始至今都不獲林作媽咪Lily支持，但二人卻愈來愈恩愛兼有默契，一於懶理林媽媽反對。裕美前晚（21日）接受黃婉曼（Icy）直播訪問，被問到夾在中間的林作為何不做調停？裕美指林作的舊愛跟母親關係親密，所以當他分別跟媽咪及女友分享秘密後，兩女會交流訊息，聯成一線整治林作，令他孤立無援，雖然沒有指名道姓，但似乎都是暗示麥明詩，因林作媽超喜歡麥明詩；而裕美是唯一不討好林作媽的女友，她說：「而家我同佢媽分成兩派，咁林作就可保留秘密，維持私隱度。」
裕美一直很包容林作的出位行為，「因為知佢目的，佢enjoy見報。」裕美仍有不接受男友的地方：「我最接受唔到佢成日露械，喺屋企唔着褲，即使我有女朋友同場，佢都係咁，佢仲會話自己下面啲毛啡色，剪啲放喺手，叫我女朋友睇。」裕美又大爆有次其母到訪，想睇她家中小狗在浴缸玩水，林作竟全裸跳入浴缸浸浴，「我媽咪有睇到晒，林作唔介意，佢話人天生出嚟就冇着衫。」幸好未有嚇親裕美媽咪。
對於與林作媽咪未能破冰？裕美說：「我唔使討好佢，我鍾意做人實話實說，我而家搵錢多，林作話佢媽咪OK啲我。佢媽咪好講條件，如果林作女友係博士，佢可以畀乜嘢你都得，學歴唔好，就要賺多啲錢，不過我努力做珠寶生意賺錢，唔關佢事。」裕美只想不求人下活得更好。
裕美近年做珠寶生意大有成績，較賣保險的林作搵更多，她每個月都有給錢林作做家用。「我每個月都畀佢5到6位數字零用，佢就回番我1萬，林作對錢計較，我使佢20、30蚊都要拎番。」裕美笑言只要一句「以後唔出糧畀佢」就可令林作乖乖收聲。
裕美又爆料與林作性事不多，「我哋好pure，冇咩性生活，我望佢個樣都冇需要啦。」可擔心這方面滿足不到林作，令他出軌，裕美信心十足：「咁又唔怕，佢對我透明度好高，手機、社交網嘅password都畀晒我。」在裕美心目中，林作也有優點：「佢係我識咁多個男朋友最錫我嗰個，我以前試過被舊愛打，但林作當我公主，同佢一齊我可以做番自己，佢乜嘢都將我排第一。」不過裕美的排位首選媽咪，她認為親情最重要。
|
鍾意就快D Share啦！
|
|
|
