馬德鐘《我家》角色獲平反 被讚似孟波搞笑掂
馬德鐘在TVB劇集《我家無難事》中飾演的大哥「得勤」，自私兼自以為是，為人又小器，開播以來招惹一定負評，網民直指其角色未夠討好：「成世靠阿媽靠老婆！」、「得勤呢個角色，唔知係佢自私自利搵屋企人笨，定係佢活喺自己世界，真心覺得自己為屋企人好。」
其實得勤雖然缺點多，但內心卻關心及緊張家人，且對唐詩詠飾的前妻「羽菲」十分著緊；加上是次馬神放下「瀟洒正氣」包袱，飾演動作、表情誇張、帶點心機女而又小器的偽大男人，由於演得入木三分，逐漸成功贏回網民心，近日評論轉負為正，大讚：「馬神角色真係好似孟波，以前覺得佢唔識做戲，原來搞笑掂！」、「馬神勝在呢個年紀身材仲好fit，又夠高大，都算靚仔，好適合做類似孟波的搞笑但本身型的角色」、「得勤其實唔係咁差，佢對老婆好專一，只係太過自戀又懷緬昔日光輝，成日想東山再起，呃呃騙騙搞到神憎鬼厭」、「馬神做慣正經角色，今次改變戲路唔係個個慣，我就覺得唔錯」、「覺唔覺馬德鐘老咗似鄭少秋？」、「搵佢演丁蟹」。
監製王心慰對此大表感動，並謂看到馬神為了得勤這個角色確是下了不少功夫：「佢雖然咁有經驗，但依然好勤力同好緊張，佢每次都會睇番自己演成點，又成日加好多自己諗出嚟嘅Punch Line落個角色度，我好欣賞佢。」
為配合宣傳，TVB官方網日前上載2015年馬神受訪，大談對兒子馬在驤將來若要入行的看法：「將來佢選擇做乜，只能分析利同害畀佢聽，既然佢有條路自己希望選擇嘅，你一定要畀佢行；對與錯都要畀佢經歷。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|