藝人張晉因參演內地綜藝節目《披荊斬棘的哥哥》而人氣爆燈，有指佢係終極贏家嘅8位哥哥之一，仲已經飛咗去新疆烏魯木齊以男團身份拍節目。雖然節目依家仲未播到「大結局」，不過都仲要為節目組配合宣傳，當中就搵嚟佢老婆蔡少芬上載情書，以綿綿情話晒恩愛，成功冧爆網友！
喺最新一集《棘哥》中，張晉表演《寫給電影人的情書》，所以今次蔡少芬就以「寫給電影人張晉的情書」做題，細數張晉從影以嚟嘅點滴，由《臥虎藏龍》嘅武術指導到《一代宗師》拎埋金像獎男配角，每一個角色嘅特點、裝扮蔡少芬都記得好清楚，佢仲嗌老公做「披荊斬棘的電影人」，並稱自己將永遠都會係佢影迷添！面對突如其來嘅閃光彈，網友都話睇到起晒雞皮，唔少人都話好感動：「好甜啊！要糖尿病了！」、「小夫妻我都好喜」、「是神仙愛情」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
