無綫大熱處境劇《愛．回家之開心速遞》長期處於高收視之位，久唔久就會有驚喜送畀大家，好似搵唔同巨星客串、故事發展緊貼香港時事等，都令到觀眾有讚冇彈，估唔到喺最近播出嘅單元中，竟然忽然大玩燒腦穿越情節，即刻被喪讚高質有料到！
今次就講到熊若水（呂慧儀飾）同龔燁（張景淳飾）為咗生BB而吵架，仲搵嚟有「翻版金城武」之稱、何超蓮舊愛黃俊豪加入，本身大家都以為佢係諗住介入二人感情，扮演角色「阿丸」對熊若水噓寒問暖，更加融入家中甚得熊家上下歡心。
不過大家姐熊尚善（滕麗名飾）就對阿丸起疑心，去到最後一幕二人暗角「對峙」，阿丸對住熊尚善拋下一句「大姨媽」就消失咗，觀眾先開始發現原來阿丸係由未來穿越過嚟嘅人，佢仲係熊若水同龔燁嘅仔仔！觀眾睇完即刻大讚有新意，結局令人完全估唔到，仲大讚處境劇劇情都咁有心，抵收視有升冇跌。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
