藝人洪欣於10月9日過51歲生日，早前佢嘅一班好姊妹，包括有蔡少芬、朱茵同陳法蓉都有同佢慶生，但係佢老公張丹峰，除咗喺生日會唔見人外，連社交網都冇發文同洪欣慶祝，即惹嚟婚變傳聞，網民仲去張丹峰社交網留言洗板問點解！
正當外界傳婚姻現暗湧之際，有網友喺社交網爆料爆相，話喺大理嘅旅遊區偶遇洪欣、張丹峰帶同女兒張晞彤遊玩，相中見張丹峰一手拖住愛女，一手攬着洪欣肩膀，久違嘅溫馨同框畫面再現。網民又分享咗洪欣喺古城街頭嘅相，見佢一手舉傘，又用手機幫屋企人影相，見洪欣笑得好開心，明顯心情勁靚，之後全家去餐廳開餐。
同日洪欣又出席喺大理舉行嘅品牌活動，張丹峰與囡囡彤彤都有嚟撐場，當日佢嘅心情，同佢着住嗰套粉紅色西裝一樣咁靚。而今日（17日）張丹峰喺社交網網晒獨照，笑得好開心，睇嚟佢同洪欣應該冇婚變喎！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
