藝人陳自瑤（Yoyo）現身無綫新劇《有種好男人》試造型，飾演馬德鐘姑姐的她笑言輩份又升呢，指當初獲悉角色分配時也感愕然：「我邊有資格做馬德鐘個姑姐？後來知道其實只係輩份高，我嘅年紀都係細過佢嘅，個角色又幾得意，成日掛住扮靚又唔去返工，係個大癲大肺嘅『13點』。」
準備好晒身材
以往多演女強人角色的她，今次搖身一變演經常被男仔圍美女，她說：「有幾多個男朋友都未知，不過今次造型比之前好玩，充滿韓風味道，我仲整曲頭髮，非常滿意。（使唔使性感？）咁要監製加戲喎，做到嘅我都盡量做，總之露胸、露腿、露腰冇問題。」
談到活動上介紹自己角色時，她形容於感情世界上很少遇到好男人，問到現實中是否也如此？她即澄清說：「我都係跟稿讀，咁我梗係有通過好男人，身邊大把添！」更指對今次能與李佳芯合作感開心，希望雙方能擦出火芯。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
